افتح جهازك حبيبي بأخذ علومك = ملّيت اطقطق لا الكيبورد وحداني

من طرف **’RwâQâN‘** الإثنين يناير 25, 2010 6:40 am

افتح جهازك حبيبي بأخذ علومك

ملّيت اطقطق لا الكيبورد وحداني

يالله عسى يومي الغالي قبل يومك

وألا عساني معك في عالمِ
ثاني

اجلس معك وانقل همومي مع همومك

واشرّبك من غلاتك دم
شرياني

الوم انا الوقت قلي كيف آبالومك

حسبي لا الوقت كانه عنّك
اقصاني

حنيت للماضي اللي فيه محرومك

كان يتغلا لا القاصين
والداني

ان قاله الله لطيّر بالشعر نومك

ووّصفك وصف شفقانٍ
لشفقاني

اغار من عطرك و وردك ويشمومك

والمبسم اللي كما خاتم
سليماني

واغار من ساعتك واحقد لا هدومك

هافي حشى ظامرٍ والردف
ملياني

ياناعس الطرف طرفي يشكي سهومك

تعال شف رمش عينك وين وداني

لاجيت ابا انام كثرت حولي حلومك

اودّع الحلم الاول يأتي
الثاني

واتوووه لامن صدرلي خط مرسومك

تقول ( شو بدك ) آمرني
وتنهاني

واقول ريّح وأنا شفّك ومقسومك

لو تطلب القلب جيتك يالغلا
عاني

مفهومي بحبّك يوافق لمفهومك

أهواك وأدري بأنك حيل
تهواني

ولا صرت محبوب كل الناس مالومك

من شاف زولك يغني عذب الالحاني

يكون في بالك وفكرك ومعلومك

أنه فلا غيرك احدٍ مالي
أعياني

ياكثر منهو بشعره ودّه يسومك

لكن بدررري مدامه ينطق لساني

وسلامتكم